hum tere KHwabon ki jannat se nikal kar aa gae
dekh tera qasr-e-ali-shan KHali kar diya

Aitbar Sajid

---

---

kisi rais ki mahfil ka zikr hi kya hai
KHuda ke ghar bhi na jaenge bin bulae hue

Ameer Minai

---

---

waqt ke sath badalna to bahut aasan tha
mujh se har waqt muKHatib rahi ghairat meri

Ameer Qazalbash

---

---

izn-e-KHiram lete hue aasman se hum
haT kar chale hain rahguzar-e-karwan se hum

Asrar-ul-Haq Majaz

---

---

duniya meri bala jaane mahngi hai ya sasti hai
maut mile to muft na lun hasti ki kya hasti hai

Fani Badayuni

---

---

kya malum kisi ki mushkil
KHud-dari hai ya KHud-bini

Hairat shimlavii

---

---

gard-e-shohrat ko bhi daman se lipaTne na diya
koi ehsan zamane ka uThaya hi nahin

Hasan Nayeem

---

---