zindagi chhin le baKHshi hui daulat apni
tu ne KHwabon ke siwa mujh ko diya bhi kya hai

Akhtar Saeed Khan

---

---

mana ki sab ke samne milne se hai hijab
lekin wo KHwab mein bhi na aaen to kya karen

Akhtar Shirani

---

---

aha KHwab mein un se shab bhar visal
mere baKHt jage main soya kiya

Ameer Minai

---

---

itna bedariyon se kaam na lo
dosto KHwab bhi zaruri hai

Ameer Qazalbash

---

---

jagti aankh se jo KHwab tha dekha 'anwar'
us ki tabir mujhe dil ke jalane se mili

Anwar Sadeed

---

---

hum bulate wo tashrif late rahe
KHwab mein ye karamat hoti rahi

Anwar Shuoor

---

---

hal kar liya majaz haqiqat ke raaz ko
pai hai main ne KHwab ki tabir KHwab mein

Asghar Gondvi

---

---