الٰہی کیا کھلے دیدار کی راہ
ادھر دروازے بند آنکھیں ادھر بند

لالہ مادھو رام جوہر

---

---

اس قمر کو کبھی تو دیکھیں گے
تیس دن ہوتے ہیں مہینے کے

لالہ مادھو رام جوہر

---

---

نہ وہ صورت دکھاتے ہیں نہ ملتے ہیں گلے آ کر
نہ آنکھیں شاد ہوتیں ہیں نہ دل مسرور ہوتا ہے

لالہ مادھو رام جوہر

---

---

اس کو دیکھا تو یہ محسوس ہوا
ہم بہت دور تھے خود سے پہلے

محمود شام

---

---

کاسۂ چشم لے کے جوں نرگس
ہم نے دیدار کی گدائی کی

میر تقی میر

---

---

آپ ادھر آئے ادھر دین اور ایمان گئے
عید کا چاند نظر آیا تو رمضان گئے

شجاع خاور

---

---