دور کے چاند کو ڈھونڈو نہ کسی آنچل میں
یہ اجالا نہیں آنگن میں سمانے والا

ندا فاضلی

---

---

فلک پہ چاند ستارے نکلنے ہیں ہر شب
ستم یہی ہے نکلتا نہیں ہمارا چاند

پنڈت جواہر ناتھ ساقی

---

---

اتنے گھنے بادل کے پیچھے
کتنا تنہا ہوگا چاند

پروین شاکر

---

---

مجھے یہ ضد ہے کبھی چاند کو اسیر کروں
سو اب کے جھیل میں اک دائرہ بنانا ہے

شہباز خواجہ

---

---

چاند سے تجھ کو جو دے نسبت سو بے انصاف ہے
چاند کے منہ پر ہیں چھائیں تیرا مکھڑا صاف ہے

شیخ ظہور الدین حاتم

---

---

ہم سفر ہو تو کوئی اپنا سا
چاند کے ساتھ چلو گے کب تک

شہرت بخاری

---

---

اک چاند ہے آوارہ و بیتاب و فلک تاب
اک چاند ہے آسودگیٔ ہجر کا مارا

سید امین اشرف

---

---