aaj yaron ko mubarak ho ki subh-e-id hai
rag hai mai hai chaman hai dilruba hai did hai

Abroo Shah Mubarak

---

---

id ka din hai so kamre mein paDa hun 'aslam'
apne darwaze ko bahar se muqaffal kar ke

Aslam Kolsarii

---

---

tum bin chand na dekh saka TuT gai ummid
bin darpan bin nain ke kaise manaen id

Bekal Utsahi

---

---

hasil us mah-laqa ki did nahin
id hai aur hum ko id nahin

Bekhud Badayuni

---

---

us se milna to use id-mubarak kahna
ye bhi kahna ki meri id mubarak kar de

Dilawar Ali Aazar

---

---

kahte hain id hai aaj apni bhi id hoti
hum ko agar mayassar jaanan ki did hoti

Ghulam Bhik Nairang

---

---

aadban naz se lahra ke chali baad-e-murad
karwan id mana qafila-salar aaya

Josh Malihabadi

---

---