نہیں شکوہ مجھے کچھ بے وفائی کا تری ہرگز
گلا تب ہو اگر تو نے کسی سے بھی نبھائی ہو

خواجہ میر دردؔ

---

---

دل بھی توڑا تو سلیقے سے نہ توڑا تم نے
بے وفائی کے بھی آداب ہوا کرتے ہیں

مہتاب عالم

---

---

بے وفائی پہ تیری جی ہے فدا
قہر ہوتا جو باوفا ہوتا

I sacrifice my heart upon your infidelity
were you faithful it would be a calamity

میر تقی میر

---

---

ہم اسے یاد بہت آئیں گے
جب اسے بھی کوئی ٹھکرائے گا

قتیل شفائی

---

---

میرے بعد وفا کا دھوکا اور کسی سے مت کرنا
گالی دے گی دنیا تجھ کو سر میرا جھک جائے گا

قتیل شفائی

---

---

گلہ لکھوں میں اگر تیری بے وفائی کا
لہو میں غرق سفینہ ہو آشنائی کا

محمد رفیع سودا

---

---