اگر ہے انسان کا مقدر خود اپنی مٹی کا رزق ہونا
تو پھر زمیں پر یہ آسماں کا وجود کس قہر کے لیے ہے

غلام حسین ساجد

---

---

گرے گی کل بھی یہی دھوپ اور یہی شبنم
اس آسماں سے نہیں اور کچھ اترنے کا

حکیم منظور

---

---

بدلے ہوئے سے لگتے ہیں اب موسموں کے رنگ
پڑتا ہے آسمان کا سایا زمین پر

ہمدم کاشمیری

---

---

زمین کی کوکھ ہی زخمی نہیں اندھیروں سے
ہے آسماں کے بھی سینے پہ آفتاب کا زخم

ابن صفی

---

---

یوں جو تکتا ہے آسمان کو تو
کوئی رہتا ہے آسمان میں کیا

جون ایلیا

---

---

ذرہ سمجھ کے یوں نہ ملا مجھ کو خاک میں
اے آسمان میں بھی کبھی آفتاب تھا

لالہ مادھو رام جوہر

---

---

آسمان پر جا پہنچوں
اللہ تیرا نام لکھوں

محمد علوی

---

---