دیوار ان کے گھر کی مری دھوپ لے گئی
یہ بات بھولنے میں زمانہ لگا مجھے

اصغر مہدی ہوش

---

---

ڈوبنے والے کو ساحل سے صدائیں مت دو
وہ تو ڈوبے گا مگر ڈوبنا مشکل ہوگا

اصغر مہدی ہوش

---

---

گر بھی جاتی نہیں کم بخت کہ فرصت ہو جائے
کوندتی رہتی ہے بجلی مرے خرمن کے قریب

اصغر مہدی ہوش

---

---

ہم بھی کرتے رہیں تقاضا روز
تم بھی کہتے رہو کہ آج نہیں

اصغر مہدی ہوش

---

---

جانے کس کس کا گلا کٹتا پس پردۂ عشق
کھل گئے میری شہادت میں ستم گر کتنے

اصغر مہدی ہوش

---

---

جو حادثہ کہ میرے لیے دردناک تھا
وہ دوسروں سے سن کے فسانہ لگا مجھے

اصغر مہدی ہوش

---

---

جو سائے بچھاتے ہیں پھل پھول لٹاتے ہیں
اب ایسے درختوں کو انسان کہا جائے

اصغر مہدی ہوش

---

---