خون جگر کے قطرے اور اشک بن کے ٹپکیں
کس کام کے لیے تھے کس کام آ رہے ہیں

آنند نرائن ملا

---

---

میں فقط انسان ہوں ہندو مسلماں کچھ نہیں
میرے دل کے درد میں تفریق ایماں کچھ نہیں

آنند نرائن ملا

---

---

محبت فرق کھو دیتی ہے اعلیٰ اور ادنیٰ کا
رخ خورشید میں ذرہ کی ہم تنویر دیکھیں گے

آنند نرائن ملا

---

---

مجھے کر کے چپ کوئی کہتا ہے ہنس کر
انہیں بات کرنے کی عادت نہیں ہے

آنند نرائن ملا

---

---

مختصر اپنی حدیث زیست یہ ہے عشق میں
پہلے تھوڑا سا ہنسے پھر عمر بھر رویا کیے

آنند نرائن ملا

---

---

ملاؔ بنا دیا ہے اسے بھی محاذ جنگ
اک صلح کا پیام تھی اردو زباں کبھی

آنند نرائن ملا

---

---

نہ جانے کتنی شمعیں گل ہوئیں کتنے بجھے تارے
تب اک خورشید اتراتا ہوا بالائے بام آیا

آنند نرائن ملا

---

---