یہ میری تمنا ہے پیاسوں کے میں کام آؤں
یا رب مری مٹی کو پیمانہ بنا دینا

رازؔ الٰہ آبادی

---

---

ہر اک شکست تمنا پہ مسکراتے ہیں
وہ کیا کریں جو مسلسل فریب کھاتے ہیں

راز مراد آبادی

---

---

کسی کے وعدۂ صبر آزما کی خیر کہ ہم
اب اعتبار کی حد سے گزرتے جاتے ہیں

راز مراد آبادی

---

---

رنگ و بو کے پردے میں کون یہ خراماں ہے
ہر نفس معطر ہے ہر نظر غزل خواں ہے

راز مراد آبادی

---

---

اگر گناہ کے قصے بھی کہہ دیئے تجھ سے
گناہ گار کو یا رب ثواب کیا ہوگا

راز یزدانی

---

---

سزا کے جھیلنے والے یہ سوچنا ہے گناہ
کوئی قصور بھی تجھ سے کبھی ہوا کہ نہیں

راز یزدانی

---

---

ٹھہر کے پاؤں کے کاٹے نکالنے والے
یہ ہوش ہے تو جنوں کامیاب کیا ہوگا

راز یزدانی

---

---