شفق سی پھر کوئی اتری ہے مجھ میں
یہ کیسی روشنی پھیلی ہے مجھ میں

نصرت گوالیاری

---

---

اجاڑ تپتی ہوئی راہ میں بھٹکنے لگی
نہ جانے پھول نے کیا کہہ دیا تھا تتلی سے

نصرت گوالیاری

---

---

وہ اندھی راہ میں بینائیاں بچھاتا رہا
بدن پہ زخم لیے اور لبوں پہ دین لیے

نصرت گوالیاری

---

---

وہ گلابی بادلوں میں ایک نیلی جھیل سی
ہوش قائم کیسے رہتے تھا ہی کچھ ایسا لباس

نصرت گوالیاری

---

---

وہ پتا اپنی شاخ سے ذرا جدا ہوا ہی تھا
نہ جانے پھر کہاں کہاں ہوا اڑا کے لے گئی

نصرت گوالیاری

---

---

اپنا سچ اس کو سنانے کے لیے
ہم کو قصوں کا حوالہ چاہیئے

عبید حارث

---

---

ہم کتابوں میں جسے پاتے ہیں حارثؔ
آدمی ویسا کوئی ملتا کہاں ہے

عبید حارث

---

---