رہ نوردان وفا منزل پہ پہنچے اس طرح
راہ میں ہر نقش پا میرا بناتا تھا چراغ

ناطق گلاوٹھی

---

---

رہتی ہے شمس و قمر کو ترے سائے کی تلاش
روشنی ڈھونڈھتی پھرتی ہے اندھیرا تیرا

ناطق گلاوٹھی

---

---

رکھتا ہے تلخ کام غم لذت جہاں
کیا کیجیے کہ لطف نہیں کچھ گناہ کا

ناطق گلاوٹھی

---

---

رکھی ہوئی ہے ساری خدائی ترے لئے
حق دار بن کے سامنے آ مانگ یا نہ مانگ

ناطق گلاوٹھی

---

---

رسم طلب میں کیا ہے سمجھ کر اٹھا قدم
آ تجھ کو ہم بتائیں کہ کیا مانگ کیا نہ مانگ

ناطق گلاوٹھی

---

---

ریا کاری کے سجدے شیخ لے بیٹھیں گے مسجد کو
کسی دن دیکھنا ہو کر رہے گی سرنگوں وہ بھی

ناطق گلاوٹھی

---

---

سب کو یہ شکایت ہے کہ ہنستا نہیں ناطقؔ
ہم کو یہ تعجب کہ وہ گریاں نہیں ہوتا

ناطق گلاوٹھی

---

---