قیامت میں بڑی گرمی پڑے گی حضرت زاہد
یہیں سے بادۂ گل رنگ میں دامن کو تر کر لو

مضطر خیرآبادی

---

---

قبلہ بن جائے جہاں تو کوئی پتھر رکھ دے
دست اسلام وہیں دین کا منبر رکھ دے

مضطر خیرآبادی

---

---

رنج غربت میں دیکھ کر مجھ کو
دل صحرا بھی باغ باغ ہوا

مضطر خیرآبادی

---

---

روح دیتی رہی ترغیب تعلی برسوں
ہم مگر تیری گلی چھوڑ کے اوپر نہ گئے

مضطر خیرآبادی

---

---

ساقی مرا کھنچا تھا تو میں نے منا لیا
یہ کس طرح منے جو دھری ہے کھنچی ہوئی

مضطر خیرآبادی

---

---

ساقی نے لگی دل کی اس طرح بجھا دی تھی
اک بوند چھڑک دی تھی اک بوند چکھا دی تھی

مضطر خیرآبادی

---

---

ساقی تری نظر تو قیامت سی ڈھا گئی
ٹھوکر لگی تو شیشۂ توبہ بھی چور تھا

مضطر خیرآبادی

---

---