دم بھر رہے حباب نمط کائنات میں
اس زندگی میں نام نہیں ماہ و سال کا

منیرؔ  شکوہ آبادی

---

---

دس بیس ہر مہینے میں ابرو نظر پڑے
اس سال سارے چاند ہوئے تیس تیس کے

منیرؔ  شکوہ آبادی

---

---

دشت وحشت میں نہیں ملتا ہے سایہ کانپتا
میں ہوں سودائی مرا ہم زاد سودائی نہیں

منیرؔ  شکوہ آبادی

---

---

دولت کے دانت کند کئے میرے حرص نے
کھٹا تمام شربت دینار کر دیا

منیرؔ  شکوہ آبادی

---

---

دیکھا ہے عاشقوں نے برہمن کی آنکھ سے
ہر بت خدا ہے چاہنے والوں کے سامنے

منیرؔ  شکوہ آبادی

---

---

دیدار کا مزا نہیں بال اپنے باندھ لو
کچھ مجھ کو سوجھتا نہیں اندھیاری رات ہے

منیرؔ  شکوہ آبادی

---

---

دل لے کے پلکیں پھر گئیں زلفوں کی آڑ میں
الٹے پھری یہ فوج سر شام لوٹ کے

منیرؔ  شکوہ آبادی

---

---