اے بت یہ ہے نماز کہ ہے گھات قتل کی
نیت ادا کی ہے کہ اشارے قضا کے ہیں

منیرؔ  شکوہ آبادی

---

---

اے رشک ماہ رات کو مٹھی نہ کھولنا
مہدی کا چور ہاتھ سے جائے نہ چھوٹ کے

منیرؔ  شکوہ آبادی

---

---

اشعار میرے سن کے وہ خاموش ہو گیا
غنچہ برنگ گل ہمہ تن گوش ہو گیا

منیرؔ  شکوہ آبادی

---

---

برہمن کعبہ میں آیا شیخ پہونچا دیر میں
لوگ بے وحدت ہوئے ہیں تیری کثرت دیکھ کر

منیرؔ  شکوہ آبادی

---

---

بس کہ ہے پیش نظر پست و بلند عالم
ٹھوکریں کھا کے مری آنکھوں میں خواب آتا ہے

منیرؔ  شکوہ آبادی

---

---

بے علم شاعروں کا گلہ کیا ہے اے منیرؔ
ہے اہل علم کو ترا طرز بیاں پسند

منیرؔ  شکوہ آبادی

---

---

بے تکلف آ گیا وہ مہ دم فکر سخن
رہ گیا پاس ادب سے قافیہ آداب کا

منیرؔ  شکوہ آبادی

---

---