نہ کعبہ ہی تجلی گاہ ٹھہرایا نہ بت خانہ
لڑانا خوب آتا ہے تمہیں شیخ و برہمن کو

مرزا مائل دہلوی

---

---

تلخی تمہارے وعظ میں ہے واعظو مگر
دیکھو تو کس مزے کی ہے تلخی شراب میں

مرزا مائل دہلوی

---

---

توبہ کے ٹوٹتے کا ہے مائلؔ ملال کیوں
ایسی تو ہوتی رہتی ہے اکثر شباب میں

مرزا مائل دہلوی

---

---

تمہیں سمجھائیں تو کیا ہم کہ شیخ وقت ہو مائل
تم اپنے آپ کو دیکھو اور اک طفل برہمن کو

مرزا مائل دہلوی

---

---

آشنا کوئی نظر آتا نہیں یاں اے ہوسؔ
کس کو میں اپنا انیس کنج تنہائی کروں

مرزا محمد تقی ہوسؔ

---

---

اے آفتاب ہادیٔ کوئے نگار ہو
آئے بھلا کبھی تو ہمارے بھی کام دن

مرزا محمد تقی ہوسؔ

---

---

دیکھیں کیا اب کے اسیری ہمیں دکھلاتی ہے
لوگ کہتے ہیں کہ پھر فصل بہار آتی ہے

مرزا محمد تقی ہوسؔ

---

---