طوفان جہل نے مرا جوہر مٹا دیا
میں اک کتاب خوب ہوں پر آب دیدہ ہوں

میر مہدی مجروح

---

---

اس کے در پر تو کسی کی بھی رسائی نہ ہوئی
لے کے صیاد قفس کو جو ادھر سے گزرا

میر مہدی مجروح

---

---

وہ میرے گھر کے سامنے سے جائیں اس طرح
اے ہم نشیں رقیب کا گھر تو ادھر نہیں

میر مہدی مجروح

---

---

یہ جو چپکے سے آئے بیٹھے ہیں
لاکھ فتنے اٹھائے بیٹھے ہیں

میر مہدی مجروح

---

---

یہ کیا کہ ہمیں مرتے رہیں لطف تو جب ہے
تاثیر محبت جو ادھر ہو تو ادھر بھی

میر مہدی مجروح

---

---

زاہد پیالہ تھام جھجھکتا ہے کس لیے
اس مفت کی شراب کے پینے سے ڈر نہیں

میر مہدی مجروح

---

---

ذرا دیکھے کوئی دیر و حرم کو
مرا وہ یار ہرجائی کہاں ہے

میر مہدی مجروح

---

---