راحت میں دل کے ہاتھوں نہ پاؤں گا ایک دم
جب تک کہ میرے ساتھ یہ خانہ خراب ہے

میر محمد باقر حزیں

---

---

اصل میں جلوہ یہ کس کا ہے تو ہی کہہ واعظ
تیرا رب اور سہی میرا صنم اور سہی

میر محمد سلطان عاقل

---

---

گالیاں دیں اس نے بے گنتی ہمیں
ہم نے بوسے بھی تو گن گن کے لیے

میر محمد سلطان عاقل

---

---

الٰہی تو بھی پیارا بت بھی پیارا پھر سنوں کس کی
ادھر کچھ شیخ کہتا ہے اور اس جانب برہمن بھی

میر محمد سلطان عاقل

---

---

پیچیدگئ طبع کی یہ صاف ہے دلیل
معنی الجھ کے رہ گئے ان کے کلام میں

میر محمد سلطان عاقل

---

---

پھیکی ہے تیری نصیحت ساتھ میرے غل مچا
شور سے ناصح نمک آ جائے گا تقریر میں

میر محمد سلطان عاقل

---

---

شب وصال میں ہے ہے وہ ان کا شرما کر
دبی زبان سے کہنا کہ آرزو کیا ہے

میر محمد سلطان عاقل

---

---