کیوں میری بود و باش کی پرسش ہے ہر گھڑی
تم تو کہو کہ رہتے ہو دو دو پہر کہاں

میر مہدی مجروح

---

---

کیوں پاس مرے آ کر یوں بیٹھے ہو منہ پھیرے
کیا لب ترے مصری ہیں میں جن کو چبا جاتا

میر مہدی مجروح

---

---

مرے کس کام کا ہے بخت خفتہ
اسے رشوت میں دوں گا پاسباں کو

میر مہدی مجروح

---

---

نہ تو صیاد کا کھٹکا نہ خزاں کا دھڑکا
ہم کو وہ چین قفس میں ہے کہ بستاں میں نہیں

میر مہدی مجروح

---

---

نہ اس کے لب کو فقط لعل کہہ کے ختم کرو
ابھی تو اس میں بہت سی ہے گفتگو باقی

میر مہدی مجروح

---

---

نئے فتنے جو اٹھتے ہیں جہاں میں
صلاحیں سب یہ لیتے ہیں تمہیں سے

میر مہدی مجروح

---

---

رال ٹپکے گی شیخ صاحب کی
نہ دکھاؤ شراب کی صورت

میر مہدی مجروح

---

---