شمع کا شانۂ اقبال ہے توفیق کرم
غنچہ گل ہوتے ہی خود صاحب زر ہوتا ہے

حبیب موسوی

---

---

طالب بوسہ ہوں میں قاصد وہ ہیں خواہان جان
یہ ذرا سی بات ہے ملتے ہی طے ہو جائے گی

حبیب موسوی

---

---

تیرا کوچہ ہے وہ اے بت کہ ہزاروں زاہد
ڈال کے سبحہ میں یاں رشتۂ زنار چلے

حبیب موسوی

---

---

تیزیٔ بادہ کجا تلخیٔ گفتار کجا
کند ہے نشتر ساقی سے سنان واعظ

حبیب موسوی

---

---

تھوڑی تھوڑی راہ میں پی لیں گے گر کم ہے تو کیا
دور ہے مے خانہ یہ زاد سفر شیشہ میں ہے

حبیب موسوی

---

---

تیرہ بختی کی بلا سے یوں نکلنا چاہیے
جس طرح سلجھا کے زلفوں کو الگ شانہ ہوا

حبیب موسوی

---

---

یہ ثابت ہے کہ مطلق کا تعین ہو نہیں سکتا
وہ سالک ہی نہیں جو چل کے تا دیر و حرم ٹھہرے

حبیب موسوی

---

---