ek zamana tha ki sab ek jagah rahte the
aur ab koi kahin koi kahin rahta hai

Ahmad Mushtaq

---

---

jis ki sanson se mahakte the dar-o-baam tere
ai makan bol kahan ab wo makin rahta hai

Ahmad Mushtaq

---

---

wo waqt bhi aata hai jab aankhon mein hamari
phirti hain wo shaklen jinhen dekha nahin hota

Ahmad Mushtaq

---

---

jo meri shabon ke charagh the jo meri umid ke bagh the
wahi log hain meri aarzu wahi suraten mujhe chahiyen

Aitbar Sajid

---

---

mohabbaten bhi usi aadmi ka hissa thin
magar ye baat purane zamane wali hai

Asad Badayuni

---

---

kitne achchhe log the kya raunaqen thin un ke sath
jin ki ruKHsat ne hamara shahr suna kar diya

Fatima Hasan

---

---

ab yaad-e-raftagan ki bhi himmat nahin rahi
yaron ne kitni dur basai hain bastiyan

Firaq Gorakhpuri

---

---