dil-e-sad-chaak mera rah yahan kab pae
kucha-e-zulf mein phirta hai tere shana KHara

Shaikh Zahuruddin Hatim

---

---

dil-e-ushshaq parindon ki tarah uDte hain
is bayaban mein kya ek bhi sayyaad nahin

Shaikh Zahuruddin Hatim

---

---

doston se dushmani aur dushmanon se dosti
be-murawwat bewafa be-rahm ye kya Dhang hai

Shaikh Zahuruddin Hatim

---

---

ek bosa mangta hai tum se 'hatim' sa gada
jaaniyo rah-e-KHuda mein ye bhi ek KHairaat ki

Shaikh Zahuruddin Hatim

---

---

ek din puchha na 'hatim' ko kabhu us ne ki dost
kab se tu bimar hai aur kya tujhe aazar hai

Shaikh Zahuruddin Hatim

---

---

fanus tan mein dekh le raushan hain jun charagh
jo dagh dil pe ishq mein tere diye hain hum

Shaikh Zahuruddin Hatim

---

---

fil-haqiqat koi nahin marta
maut hikmat ka ek parda hai

Shaikh Zahuruddin Hatim

---

---

gada ko gar qanaat ho to phaTa chithaDa bas hai
wagarna hirs aage than sau gaz ka langoTi hai

Shaikh Zahuruddin Hatim

---

---

gali mein us ki na dekha kabhu kisi ko magar
ajal-girafta koi gah gah nikle hai

Shaikh Zahuruddin Hatim

---

---