main apne dushmanon ka kis qadar mamnun hun 'anwar'
ki un ke shar se kya kya KHair ke pahlu nikalte hain

Anwar Masood

---

---

'arsh' kis dost ko apna samjhun
sab ke sab dost hain dushman ki taraf

Arsh Malsiyani

---

---

maut hi insan ki dushman nahin
zindagi bhi jaan le kar jaegi

Arsh Malsiyani

---

---

mujhe dushman se apne ishq sa hai
main tanha aadmi ki dosti hun

Baqar Mehdi

---

---

muKHalifat se meri shaKHsiyat sanwarti hai
main dushmanon ka baDa ehtiram karta hun

Bashir Badr

---

---

tartib de raha tha main fahrist-e-dushmanan
yaron ne itni baat pe KHanjar uTha liya

Fana Nizami Kanpuri

---

---

aaj khula dushman ke pichhe dushman the
aur wo lashkar is lashkar ki oT mein tha

Ghulam Husain Sajid

---

---