ye aur baat ise zindagi na kah paen
wagarna aaj bhi hum ji rahe hain jine ko

Shahzad Ahmad

---

---

ye bhi sach hai ki nahin hai koi rishta tujh se
jitni ummiden hain wabasta hain tanha tujh se

Shahzad Ahmad

---

---

ye chand hi teri jholi mein aa paDe shayad
zamin pe baiTh kamand aasman pe Dale ja

Shahzad Ahmad

---

---

ye samajh ke mana hai sach tumhaari baaton ko
itne KHub-surat lab jhuT kaise bolenge

Shahzad Ahmad

---

---

yun kis tarah bataun ki kya mere pas hai
tu bhi to koi rang dikha aur dekh le

Shahzad Ahmad

---

---

yun tark-e-talluq ki qasam khae hue hon
jaise mere sine mein kisi aur ka dil hai

Shahzad Ahmad

---

---

yun teri yaad mein din raat magan rahta hun
dil dhDakna tere qadmon ki sada lagta hai

Shahzad Ahmad

---

---

yun to hum ahl-e-nazar hain magar anjam ye hai
DhunDte DhunDte kho dete hain binai tak

Shahzad Ahmad

---

---

zabanen thak chukin patthar hue kan
kahani an-kahi thi an-kahi hai

Shahzad Ahmad

---

---