manzil hai kaThin dil bahut aaram-talab hai
kyun yaad mujhe aate ho ai bhulne walo

Shahzad Ahmad

---

---

manzil pe ja ke KHak uDane se faeda
jin ki talash thi mujhe raste mein mil gae

Shahzad Ahmad

---

---

matlub hai kya ab yahi kahte nahin banti
daman to baDe shauq se phailaya hua tha

Shahzad Ahmad

---

---

mayassar phir na hoga chilchilati dhup mein chalna
yahin ke ho rahoge sae mein ek pal agar baiThe

Shahzad Ahmad

---

---

meri ruswai mein wo bhi hain barabar ke sharik
mere qisse mere yaron ko sunata kya hai

Shahzad Ahmad

---

---

mujhe bas itni shikayat hai marne walon se
wo be-niyaz hain kyun yaad karne walon se

Shahzad Ahmad

---

---

musafir ho to sun lo rah mein sahra bhi aata hai
nikal aae ho ghar se kya tumhein chalna bhi aata hai

Shahzad Ahmad

---

---

na main ne dast-shanasi ka phir kiya dawa
na us ne hath mujhe chumne diya phir se

Shahzad Ahmad

---

---

na mile wo to talash us ki bhi rahti hai mujhe
hath aane pe jise chhoD diya jata hai

Shahzad Ahmad

---

---