hairan hun hasidon ko pata kaise chal gaya
un walwalon ka jo mere dil mein abhi na the

Shahzad Ahmad

---

---

hum apne haal par KHud ro diye hain
kabhi aisi bhi haalat ho gai hai

Shahzad Ahmad

---

---

hum do qadam bhi chal na sake KHak-e-pa hue
jo qafile ke sath gae jaane kya hue

Shahzad Ahmad

---

---

hum jo dastak kabhi dete the saba ki manind
aap darwaza-e-dil khol diya karte the

Shahzad Ahmad

---

---

hamare pesh-e-nazar manzilen kuchh aur bhi thin
ye hadsa hai ki hum tere pas aa pahunche

Shahzad Ahmad

---

---

hamare shahr mein hai wo gurez ka aalam
charag bhi na jalae charag se koi

Shahzad Ahmad

---

---

har dam teri shabih thi aankhon ke samne
tanha bhi hum nahin the tere sath bhi na the

Shahzad Ahmad

---

---

har taraf phaili hui thi raushni hi raushni
wo bahaaren thin ki ab ke bagh mein rasta na tha

Shahzad Ahmad

---

---

hausla hai to safinon ke alam lahrao
bahte dariya to chalenge isi raftar ke sath

Shahzad Ahmad

---

---