jo samne tha us ke KHad-o-KHal nahin yaad
wo yaad raha jis ko zara dekh liya hai

Shahzad Ahmad

---

---

kabhi kabhi chhalak uThta hai aab o rang un ka
wagarna dasht to sukhe hue samundar hain

Shahzad Ahmad

---

---

kal thi ye fikr use haal sunaen kaise
aaj ye sochte hain us ko suna kyun aae

Shahzad Ahmad

---

---

kam nahin hai ye aziyyat ki abhi zinda hun
ab mere sar pe koi aur bala kyun aae

Shahzad Ahmad

---

---

karo be-nur mahfil-e-imroz
turbaton par diye jalate raho

Shahzad Ahmad

---

---

KHamushi hi mein sahi par kabhi izhaar to kar
is qadar zabt se sina tera phaT jaega

Shahzad Ahmad

---

---

KHabar nahin ki KHala kis jagah pe ho maujud
zamin par bhi qadam phunk phunk kar rakhiye

Shahzad Ahmad

---

---

KHalq be-parwa KHuda bandon se tang aaya hua
main akela phir raha hun hashr ke maidan mein

Shahzad Ahmad

---

---

KHud hi taswir banata hun miTa deta hun
but-gari mere liye but-shikani ho jaise

Shahzad Ahmad

---

---