yar hote to mujhe munh pe bura kah dete
bazm mein mera gila sab ne kiya mere baad

Shahzad Ahmad

---

---

viran to nahin shab-e-tarik ki faza
har-su hawa-e-baada se kuchh raushni to hai

Shahzad Ahmad

---

---

waqia ye hai ki rasta aur viran ho gaya
peD to apni taraf se phul barsate rahe

Shahzad Ahmad

---

---

waqia kuchh bhi ho sach kahne mein ruswai hai
kyun na KHamosh rahun ahl-e-nazar kahlaun

Shahzad Ahmad

---

---

uTThi hain meri KHak se aafat sab ki sab
nazil hui na koi bala aasman se

Shahzad Ahmad

---

---

us ko KHabar hui to badal jaega wo rang
ehsas tak na us ko dila aur dekh le

Shahzad Ahmad

---

---

umr jitni bhi kaTi us ke bharose pe kaTi
aur ab sochta hun us ka bharosa kya tha

Shahzad Ahmad

---

---

umr bhar sunta rahun apni sada ki bazgasht
ya teri aawaz bhi aaegi mere kan mein

Shahzad Ahmad

---

---

umr bhar apne gireban se ulajhne wale
tu mujhe mere hi sae se Daraata kya hai

Shahzad Ahmad

---

---