kuchh tazkira-e-husn se raushan the dar-o-baam
kuchh shama ne bhi bazm ko chamkaya hua tha

Shahzad Ahmad

---

---

kuchh tere sabab thi mere pahlu mein hararat
kuchh dil ne bhi is aag ko bhaDkaya hua tha

Shahzad Ahmad

---

---

kyun bulati hai mujhe duniya usi ke nam se
kya mere chehre pe us ka nam hai likkha hua

Shahzad Ahmad

---

---

lete hain log sans bhi ab ehtiyat se
chhoTa sa hi sahi koi fitna uThaiye

Shahzad Ahmad

---

---

log zinda nazar aate the magar the maqtul
dast-e-qatil mein ba-zahir koi shamshir na thi

Shahzad Ahmad

---

---

main apni jaan mein use jazb kis tarah karta
use gale se lagaya laga ke chhoD diya

Shahzad Ahmad

---

---

main chahta hun haqiqat-pasand ho jaun
magar hai is mein ye mushkil haqiqaten hain bahut

Shahzad Ahmad

---

---

main gul-e-KHushk hun lamhe mein bikhar sakta hun
ye bhi mumkin hai ki kuchh der hawa rahne de

Shahzad Ahmad

---

---

main sun raha hun magar dusron ko kaise sunaun
jo git gunjta rahta hai mere kanon mein

Shahzad Ahmad

---

---