jahan mein hum ne kisi se bhi khul ke baat na ki
dayar-e-ghair tha daman bacha bacha ke chale

Shahzad Ahmad

---

---

jahan mein manzil-e-maqsud DhunDne wale
ye kaenat ki taswir hi KHayali hai

Shahzad Ahmad

---

---

jaise munh-band kali raat ke virane mein
sans lena mujhe dushwar hua jata hai

Shahzad Ahmad

---

---

jalte hain ek charagh ki lau se kai charagh
duniya tere KHayal se raushan hui to hai

Shahzad Ahmad

---

---

jawaz koi agar meri bandagi ka nahin
main puchhta hun tujhe kya mila KHuda ho ka

Shahzad Ahmad

---

---

jhuTi baaten rahne do
kaun kisi ko yaad aaya

Shahzad Ahmad

---

---

jis ke bais abhi ThanDak hai mere sine mein
bhaDak uThta hun agar nam liya jata hai

Shahzad Ahmad

---

---

jis ko jaana hi nahin us ko KHuda kyun manen
aur jise jaan chuke ho wo KHuda kaise ho

the one we do not know, how can we God decree
and the one we do know, then God how can he be

Shahzad Ahmad

---

---

jis se do roz bhi khul kar na mulaqat hui
muddaton baad mile bhi to gila kaise ho

Shahzad Ahmad

---

---