na sahi jism magar KHak to uDti phirti
kash jalte na kabhi baal-o-par-e-parwana

Shahzad Ahmad

---

---

na sahi kuchh magar itna to kiya karte the
wo mujhe dekh ke pahchan liya karte the

Shahzad Ahmad

---

---

naqsh-e-hairat ban gai duniya sitaron ki tarah
sab ki sab aankhen khuli hain jagta koi nahin

Shahzad Ahmad

---

---

nind aae to achanak teri aahaT sun lun
jag uTThun to badan se teri KHushbu aae

Shahzad Ahmad

---

---

nind aati hai agar jalti hui aankhon mein
koi diwane ki zanjir hila deta hai

Shahzad Ahmad

---

---

pas rah kar bhi na pahchan saka tu mujh ko
dur se dekh ke ab hath hilata kya hai

Shahzad Ahmad

---

---

paikar-e-gul aasmanon ke liye betab hai
KHak kahti hai ki mujh sa dusra koi nahin

Shahzad Ahmad

---

---

pairahan chust hawa sust khaDi diwaren
use chahun use rokun ki juda ho jaun

Shahzad Ahmad

---

---

patthar na phenk dekh zara ehtiyat kar
hai sath-e-ab par koi chehra bana hua

Shahzad Ahmad

---

---