hazar chehre hain maujud aadmi ghaeb
ye kis KHarabe mein duniya ne la ke chhoD diya

Shahzad Ahmad

---

---

husn bazar ki zinat hai magar hai to sahi
ghar se nikla hun to us chauk se bhi ho aaun

Shahzad Ahmad

---

---

huzur-e-husn ye dil kasa-e-gadai hai
hun wo faqir jise bhik bhi na de koi

Shahzad Ahmad

---

---

ek aag phir bhaDak uTThi hai dida o dil mein
kuchh ashk phir sar-e-mizhgan dikhai dete hain

Shahzad Ahmad

---

---

is aas pe sailab ke sine pe rawan hun
shayad kabhi dariya ka kinara nazar aae

Shahzad Ahmad

---

---

is qadar tez na chal sans ukhaD jaega
tai na kar rah-e-talab ek hi raftar se tu

Shahzad Ahmad

---

---

is rah se guzre the kabhi ahl-e-nazar bhi
is KHak ko chehre pe milo aankh mein Dalo

Shahzad Ahmad

---

---

jab chal paDe to barq ki raftar se chale
baiThe rahe to panw ki zanjir ho gae

Shahzad Ahmad

---

---

jab us ki zulf mein pahla safed baal aaya
tab us ko pahli mulaqat ka KHayal aaya

Shahzad Ahmad

---

---