جیسے سجدے میں قتل ہو کوئی
ایسا ہوتا ہے چاہتوں کا مزا

محسن اسرار

---

---

آنکھ سے آنکھ ملانا تو سخن مت کرنا
ٹوک دینے سے کہانی کا مزا جاتا ہے

محسن اسرار

---

---

ہوا چراغ بجھانے لگی تو ہم نے بھی
دیے کی لو کی جگہ تیرا انتظار رکھا

محسن اسرار

---

---

ہمسائے کا سکھ تو اس کے خواب کا پورا ہونا ہے
تم پر رقت طاری ہو تو رو لو لیکن شور نہ ہو

محسن اسرار

---

---

ہم اپنے ظاہر و باطن کا اندازہ لگا لیں
پھر اس کے سامنے جانے کی تیاری کریں گے

محسن اسرار

---

---

گھر میں رہنا مرا گویا اسے منظور نہیں
جب بھی آتا ہے نیا کام بتا جاتا ہے

محسن اسرار

---

---

ڈر ہے کہیں میں دشت کی جانب نکل نہ جاؤں
بیٹھا ہوں اپنے پاؤں میں زنجیر ڈال کر

محسن اسرار

---

---

بہت کچھ تم سے کہنا تھا مگر میں کہہ نہ پایا
لو میری ڈائری رکھ لو مجھے نیند آ رہی ہے

محسن اسرار

---

---

بہت اچھا تری قربت میں گزرا آج کا دن
بس اب گھر جائیں گے اور کل کی تیاری کریں گے

محسن اسرار

---

---