subh se khod raha hun ghar ko
KHwab dekha hai KHazane wala

Mohammad Alvi

---

---

tarif sun ke dost se 'alwi' tu KHush na ho
us ko teri buraiyan karte hue bhi dekh

Mohammad Alvi

---

---

thoDi sardi zara sa nazla hai
shaeri ka mizaj patla hai

Mohammad Alvi

---

---

tera na milna ajab gul khila gaya ab ke
tere hi jaisa koi dusra mila mujh ko

Mohammad Alvi

---

---

tuDa-muDa hai magar KHuda hai
ise to sahib sambhaal rakhiye

Mohammad Alvi

---

---

un dinon ghar se ajab rishta tha
sare darwaze gale lagte the

Mohammad Alvi

---

---

un ko gunah karte hue main ne ja liya
phir un ke sath main bhi gunahgar ho gaya

Mohammad Alvi

---

---

us se bhi mil kar hamein marne ki hasrat rahi
us ne bhi jaane diya wo bhi sitamgar na tha

Mohammad Alvi

---

---

us se bichhaDte waqt main roya tha KHub-sa
ye baat yaad aai to pahron hansa kiya

Mohammad Alvi

---

---