use main ne bhi kal dekha tha 'alwi'
nae kapDe pahan ke ja raha tha

Mohammad Alvi

---

---

us se mile zamana hua lekin aaj bhi
dil se dua nikalti hai KHush ho jahan bhi ho

Mohammad Alvi

---

---

us se bichhaDte waqt main roya tha KHub-sa
ye baat yaad aai to pahron hansa kiya

Mohammad Alvi

---

---

us se bhi mil kar hamein marne ki hasrat rahi
us ne bhi jaane diya wo bhi sitamgar na tha

Mohammad Alvi

---

---

un ko gunah karte hue main ne ja liya
phir un ke sath main bhi gunahgar ho gaya

Mohammad Alvi

---

---

un dinon ghar se ajab rishta tha
sare darwaze gale lagte the

Mohammad Alvi

---

---

tuDa-muDa hai magar KHuda hai
ise to sahib sambhaal rakhiye

Mohammad Alvi

---

---

tera na milna ajab gul khila gaya ab ke
tere hi jaisa koi dusra mila mujh ko

Mohammad Alvi

---

---

oz kahta hai hawa ka jhonka
aa tujhe dur uDa le jaun

Mohammad Alvi

---

---