munh-zabani quran paDhte the
pahle bachche bhi kitne buDhe the

Mohammad Alvi

---

---

mere hone ne mujh ko mar Dala
nahin tha to bahut mahfuz tha main

Mohammad Alvi

---

---

mila hamein bas ek KHuda
aur wo bhi bedard mila

Mohammad Alvi

---

---

maut na aai to 'alwi'
chhuTTi mein ghar jaenge

Mohammad Alvi

---

---

maut bhi dur bahut dur kahin phirti hai
kaun ab aa ke asiron ko rihai dega

Mohammad Alvi

---

---

marne ke Dar se aur kahan tak jiyega tu
jine ke din tamam hue intiqal ka

Mohammad Alvi

---

---

kitna mushkil hai zindagi karna
aur na socho to kitna aasan hai

Mohammad Alvi

---

---

kisi se koi talluq raha na ho jaise
kuchh is tarah se guzarte hue zamane the

Mohammad Alvi

---

---

khiDkiyon se jhankti hai raushni
battiyan jalti hain ghar ghar raat mein

Mohammad Alvi

---

---