nind miTTi ki mahak sabze ki ThanDak
mujh ko apna ghar bahut yaad aa raha hai

Abdul Ahad Saaz

---

---

phir nai hijrat koi darpesh hai
KHwab mein ghar dekhna achchha nahin

Abdullah Javed

---

---

mila na ghar se nikal kar bhi chain ai 'zahid'
khuli faza mein wahi zahr tha jo ghar mein tha

Abul Mujahid Zahid

---

---

suna hai shahr ka naqsha badal gaya 'mahfuz'
to chal ke hum bhi zara apne ghar ko dekhte hain

Ahmad Mahfuz

---

---

pata ab tak nahin badla hamara
wahi ghar hai wahi qissa hamara

Ahmad Mushtaq

---

---

ye dasht wo hai jahan rasta nahin milta
abhi se lauT chalo ghar abhi ujala hai

Akhtar Saeed Khan

---

---

hiD ke KHauf se phir ghar ki taraf lauT aaya
ghar se jab shahr mein tanhai ke Dar se nikla

Aleem Masroor

---

---