ایک آسیب تعاقب میں لگا رہتا ہے
میں جو رکتا ہوں تو پھر اس کی صدا چلتی ہے

لیاقت جعفری

---

---

حالانکہ پہلے سائے سے رہتی تھی کشمکش
اب اپنے بوجھ سے ہی دبا جا رہا ہوں میں

لیاقت جعفری

---

---

ہم بھی جی بھر کے تجھے کوستے پھرتے لیکن
ہم ترا لہجۂ بے باک کہاں سے لائیں

لیاقت جعفری

---

---

لفظ کو الہام معنی کو شرر سمجھا تھا میں
درحقیقت عیب تھا جس کو ہنر سمجھا تھا میں

لیاقت جعفری

---

---

میں آخری تھا جسے سرفراز ہونا تھا
مرے ہنر میں بھی کوتاہیاں نکل آئیں

لیاقت جعفری

---

---

میں بہت جلد لوٹ آؤں گا
تم مرا انتظار مت کرنا

لیاقت جعفری

---

---

میں کچھ دن سے اچانک پھر اکیلا پڑ گیا ہوں
نئے موسم میں اک وحشت پرانی کاٹتی ہے

لیاقت جعفری

---

---

مرے قبیلے میں تعلیم کا رواج نہ تھا
مرے بزرگ مگر تختیاں بناتے تھے

لیاقت جعفری

---

---

پھر مرتب کیے گئے جذبات
عشق کو ابتدا میں رکھا گیا

لیاقت جعفری

---

---