سوز غم ہی سے مری آنکھ میں آنسو آئے
سوچتا ہوں کہ اسے آگ کہوں یا پانی
جوشؔ ملسیانی
مقبول ہوں نہ ہوں یہ مقدر کی بات ہے
سجدے کسی کے در پہ کیے جا رہا ہوں میں
whether or not accepted, it is up to fate
at her doorstep on and on, I myself prostrate
جوشؔ ملسیانی
محبت کہاں یہ تو بے چارگی ہے ستم بھی سہیں پھر کرم اس کو سمجھیں
یہ جبر اس لیے کر لیا ہے گوارا کہ اس کے سوا کوئی چارا نہ دیکھا
جوشؔ ملسیانی
نقش الفت مٹ گیا تو داغ لفت ہیں بہت
شکر کر اے دل کہ تیرے گھر کی دولت گھر میں ہے
جوشؔ ملسیانی
پی لوگے تو اے شیخ ذرا گرم رہوگے
ٹھنڈا ہی نہ کر دیں کہیں جنت کی ہوائیں
جوشؔ ملسیانی
وہی مرنے کی تمنا وہی جینے کی ہوس
نہ جفائیں تمہیں آئیں نہ وفائیں آئیں
جوشؔ ملسیانی
یہ ادا ہوئی کہ جفا ہوئی یہ کرم ہوا کہ سزا ہوئی
اسے شوق دید عطا کیا جو نگہ کی تاب نہ لا سکے
is this grace or torment, a favour or a punishment
Lust for sight he has got, but no vision to present
جوشؔ ملسیانی
یا رہیں اس میں اپنے گھر کی طرح
یا مرے دل میں آپ گھر نہ کریں
جوشؔ ملسیانی
کس طرح دور ہوں آلام غریب الوطنی
زندگی خود بھی غریب الوطنی ہوتی ہے
جوشؔ ملسیانی