اب تک نہ خبر تھی مجھے اجڑے ہوئے گھر کی
وہ آئے تو گھر بے سر و ساماں نظر آیا
جوشؔ ملیح آبادی
ٹیگز:
| غار |
| 2 لائنیں شیری |
اللہ رے حسن دوست کی آئینہ داریاں
اہل نظر کو نقش بہ دیوار کر دیا
جوشؔ ملیح آبادی
ٹیگز:
| 2 لائنیں شیری |
بادباں ناز سے لہرا کے چلی باد مراد
کارواں عید منا قافلہ سالار آیا
جوشؔ ملیح آبادی
ٹیگز:
| عید |
| 2 لائنیں شیری |
دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا
جوشؔ ملیح آبادی
دنیا نے فسانوں کو بخشی افسردہ حقائق کی تلخی
اور ہم نے حقائق کے نقشے میں رنگ بھرا افسانوں کا
جوشؔ ملیح آبادی
ٹیگز:
| 2 لائنیں شیری |
ایک دن کہہ لیجیے جو کچھ ہے دل میں آپ کے
ایک دن سن لیجیے جو کچھ ہمارے دل میں ہے
جوشؔ ملیح آبادی
ٹیگز:
| اظہار |
| 2 لائنیں شیری |
آڑے آیا نہ کوئی مشکل میں
مشورے دے کے ہٹ گئے احباب
جوشؔ ملیح آبادی
ٹیگز:
| 2 لائنیں شیری |
ہاں آسمان اپنی بلندی سے ہوشیار
اب سر اٹھا رہے ہیں کسی آستاں سے ہم
جوشؔ ملیح آبادی
ٹیگز:
| 2 لائنیں شیری |
حد ہے اپنی طرف نہیں میں بھی
اور ان کی طرف خدائی ہے
جوشؔ ملیح آبادی
ٹیگز:
| 2 لائنیں شیری |