KHazana-e-zar-o-gauhar pe KHak Dal ke rakh
hum ahl-e-mehr-o-mohabbat hain dil nikal ke rakh

Iftikhar Arif

---

---

KHud ko bikharte dekhte hain kuchh kar nahin pate hain
phir bhi log KHudaon jaisi baaten karte hain

Iftikhar Arif

---

---

khula fareb-e-mohabbat dikhai deta hai
ajab kamal hai us bewafa ke lahje mein

Iftikhar Arif

---

---

KHwab ki tarah bikhar jaane ko ji chahta hai
aisi tanhai ki mar jaane ko ji chahta hai

Iftikhar Arif

---

---

koi junun koi sauda na sar mein rakkha jae
bas ek rizq ka manzar nazar mein rakkha jae

Iftikhar Arif

---

---

koi to phul khilae dua ke lahje mein
ajab tarah ki ghuTan hai hawa ke lahje mein

Iftikhar Arif

---

---

maal-e-izzat-e-sadat-e-ishq dekh ke hum
badal gae to badalne pe itni hairat kya

Iftikhar Arif

---

---

main apne KHwab se kaT kar jiyun to mera KHuda
ujaD de meri miTTi ko dar-ba-dar kar de

Iftikhar Arif

---

---

main chup raha ki wazahat se baat baDh jati
hazar shewa-e-husn-e-bayan ke hote hue

Iftikhar Arif

---

---