tamasha karne walon ko KHabar di ja chuki hai
ki parda kab girega kab tamasha KHatm hoga

Iftikhar Arif

---

---

tum se bichhaD kar zinda hain
jaan bahut sharminda hain

Iftikhar Arif

---

---

umid-o-bim ke mehwar se haT ke dekhte hain
zara si der ko duniya se kaT ke dekhte hain

Iftikhar Arif

---

---

usi ko baat na pahunche jise pahunchni ho
ye iltizam bhi arz-e-hunar mein rakkha jae

Iftikhar Arif

---

---

wafa ke bab mein kar-e-suKHan tamam hua
meri zamin pe ek marka lahu ka bhi ho

Iftikhar Arif

---

---

wafa ki KHair manata hun bewafai mein bhi
main us ki qaid mein hun qaid se rihai mein bhi

Iftikhar Arif

---

---

wahi charagh bujha jis ki lau qayamat thi
usi pe zarb paDi jo shajar purana tha

Iftikhar Arif

---

---

wahi firaq ki baaten wahi hikayat-e-wasl
nai kitab ka ek ek waraq purana tha

Iftikhar Arif

---

---

wahi hai KHwab jise mil ke sab ne dekha tha
ab apne apne qabilon mein baT ke dekhte hain

Iftikhar Arif

---

---