main jis ko apni gawahi mein le ke aaya hun
ajab nahin ki wahi aadmi adu ka bhi ho

Iftikhar Arif

---

---

main jis ko ek umr sambhaale phira kiya
miTTi bata rahi hai wo paikar mera na tha

Iftikhar Arif

---

---

main us se jhuT bhi bolun to mujh se sach bole
mere mizaj ke sab mausamon ka sathi ho

Iftikhar Arif

---

---

main zindagi ki dua mangne laga hun bahut
jo ho sake to duaon ko be-asar kar de

Iftikhar Arif

---

---

mansab na kulah chahta hun
tanha hun gawah chahta hun

Iftikhar Arif

---

---

mera KHush-KHiram bala ka tez-KHiram tha
meri zindagi se chala gaya to KHabar hui

Iftikhar Arif

---

---

mere KHuda mujhe itna to mo'tabar kar de
main jis makan mein rahta hun us ko ghar kar de

Iftikhar Arif

---

---

mere sare harf tamam harf azab the
mere kam-suKHan ne suKHan kiya to KHabar hui

Iftikhar Arif

---

---

miTTi ki gawahi se baDi dil ki gawahi
yun ho to ye zanjir ye zindan bhi mera hai

Iftikhar Arif

---

---