samajh rahe hain magar bolne ka yara nahin
jo hum se mil ke bichhaD jae wo hamara nahin

Iftikhar Arif

---

---

samundar ke kinare ek basti ro rahi hai
main itni dur hun aur mujh ko wahshat ho rahi hai

Iftikhar Arif

---

---

samundaron ko bhi hairat hui ki Dubte waqt
kisi ko hum ne madad ke liye pukara nahin

Iftikhar Arif

---

---

shagufta lafz likkhe ja rahe hain
magar lahjon mein virani bahut hai

Iftikhar Arif

---

---

shikam ki aag liye phir rahi hai shahr-ba-shahr
sag-e-zamana hain hum kya hamari hijrat kya

Iftikhar Arif

---

---

sipah-e-sham ke neze pe aaftab ka sar
kis ehtimam se parwar-digar-e-shab nikla

Iftikhar Arif

---

---

sitaron se bhara ye aasman kaisa lagega
hamare baad tum ko ye jahan kaisa lagega

Iftikhar Arif

---

---

subh sawere ran paDna hai aur ghamsan ka ran
raaton raat chala jae jis ko jaana hai

Iftikhar Arif

---

---

tamam KHana-ba-doshon mein mushtarak hai ye baat
sab apne apne gharon ko palaT ke dekhte hain

Iftikhar Arif

---

---