ye basti jaani pahchani bahut hai
yahan wadon ki arzani bahut hai

Iftikhar Arif

---

---

yahi lau thi ki ulajhti rahi har raat ke sath
ab ke KHud apni hawaon mein bujha chahti hai

Iftikhar Arif

---

---

yahi lahja tha ki mear-e-suKHan Thahra tha
ab isi lahja-e-be-bak se KHauf aata hai

Iftikhar Arif

---

---

wo mere nam ki nisbat se mo'tabar Thahre
gali gali meri ruswaiyon ka sathi ho

Iftikhar Arif

---

---

tum se bichhaD kar zinda hain
jaan bahut sharminda hain

Iftikhar Arif

---

---

wafa ke bab mein kar-e-suKHan tamam hua
meri zamin pe ek marka lahu ka bhi ho

Iftikhar Arif

---

---

usi ko baat na pahunche jise pahunchni ho
ye iltizam bhi arz-e-hunar mein rakkha jae

Iftikhar Arif

---

---

umid-o-bim ke mehwar se haT ke dekhte hain
zara si der ko duniya se kaT ke dekhte hain

Iftikhar Arif

---

---

wafa ki KHair manata hun bewafai mein bhi
main us ki qaid mein hun qaid se rihai mein bhi

Iftikhar Arif

---

---