ye raushni ke taaqub mein bhagta hua din
jo thak gaya hai to ab us ko muKHtasar kar de

Iftikhar Arif

---

---

ye sari jannaten ye jahannam azab o ajr
sari qayamaten isi duniya ke dam se hain

Iftikhar Arif

---

---

ye tere mere charaghon ki zid jahan se chali
wahin kahin se ilaqa hawa ka lagta hai

Iftikhar Arif

---

---

ye waqt kis ki raunat pe KHak Dal gaya
ye kaun bol raha tha KHuda ke lahje mein

Iftikhar Arif

---

---

zamana ho gaya KHud se mujhe laDte-jhagaDte
main apne aap se ab sulh karna chahta hun

Iftikhar Arif

---

---

zindagi bhar ki kamai yahi misre do-chaar
is kamai pe to izzat nahin milne wali

Iftikhar Arif

---

---