میں جس کو اپنی گواہی میں لے کے آیا ہوں
عجب نہیں کہ وہی آدمی عدو کا بھی ہو
افتخار عارف
ٹیگز:
| 2 لائنیں شیری |
میں جس کو ایک عمر سنبھالے پھرا کیا
مٹی بتا رہی ہے وہ پیکر مرا نہ تھا
افتخار عارف
ٹیگز:
| 2 لائنیں شیری |
میں اس سے جھوٹ بھی بولوں تو مجھ سے سچ بولے
مرے مزاج کے سب موسموں کا ساتھی ہو
افتخار عارف
ٹیگز:
| سچ |
| 2 لائنیں شیری |
میں زندگی کی دعا مانگنے لگا ہوں بہت
جو ہو سکے تو دعاؤں کو بے اثر کر دے
افتخار عارف
ٹیگز:
| دعا |
| 2 لائنیں شیری |
منصب نہ کلاہ چاہتا ہوں
تنہا ہوں گواہ چاہتا ہوں
افتخار عارف
ٹیگز:
| 2 لائنیں شیری |
مرا خوش خرام بلا کا تیز خرام تھا
مری زندگی سے چلا گیا تو خبر ہوئی
افتخار عارف
ٹیگز:
| 2 لائنیں شیری |
مرے خدا مجھے اتنا تو معتبر کر دے
میں جس مکان میں رہتا ہوں اس کو گھر کر دے
افتخار عارف
مرے سارے حرف تمام حرف عذاب تھے
مرے کم سخن نے سخن کیا تو خبر ہوئی
افتخار عارف
ٹیگز:
| 2 لائنیں شیری |
مٹی کی گواہی سے بڑی دل کی گواہی
یوں ہو تو یہ زنجیر یہ زنداں بھی مرا ہے
افتخار عارف
ٹیگز:
| 2 لائنیں شیری |