تمام دوست الاؤ کے گرد جمع تھے اور
ہر ایک اپنی کہانی سنانے والا تھا

ادریس بابر

---

---

پھول ہے جو کتاب میں اصل ہے کہ خواب ہے
اس نے اس اضطراب میں کچھ نہ پڑھا لکھا تو پھر

ادریس بابر

---

---

پر نہیں ہوتے خیالوں کے تو پھر
کیسے اڑتے ہیں غبارا سمجھو

ادریس بابر

---

---

مرے سوال وہی ٹوٹ پھوٹ کی زد میں
جواب ان کے وہی ہیں بنے بنائے ہوئے

ادریس بابر

---

---

موت اکتا چکی ریہرسل میں
روز دو چار شخص مرتے ہیں

ادریس بابر

---

---

موت کی پہلی علامت صاحب
یہی احساس کا مر جانا ہے

ادریس بابر

---

---

مر گیا خاص طور پر میں بھی
جس طرح عام لوگ مرتے ہیں

ادریس بابر

---

---

آج تو جیسے دن کے ساتھ دل بھی غروب ہو گیا
شام کی چائے بھی گئی موت کے ڈر کے ساتھ ساتھ

ادریس بابر

---

---

میں جانتا ہوں یہ ممکن نہیں مگر اے دوست
میں چاہتا ہوں کہ وہ خواب پھر بہم کئے جائیں

ادریس بابر

---

---