آج تو جیسے دن کے ساتھ دل بھی غروب ہو گیا
شام کی چائے بھی گئی موت کے ڈر کے ساتھ ساتھ

ادریس بابر

---

---

درد کا دل کا شام کا بزم کا مے کا جام کا
رنگ بدل بدل گیا ایک نظر کے ساتھ ساتھ

ادریس بابر

---

---

دھول اڑتی ہے تو یاد آتا ہے کچھ
ملتا جلتا تھا لبادہ میرا

ادریس بابر

---

---

دل کی اک ایک خرابی کا سبب جانتے ہیں
پھر بھی ممکن ہے کہ ہم تم سے مروت کر جائیں

ادریس بابر

---

---

ہاں اے غبار آشنا میں بھی تھا ہم سفر ترا
پی گئیں منزلیں تجھے کھا گئے راستے مجھے

ادریس بابر

---

---

ہاتھ دنیا کا بھی ہے دل کی خرابی میں بہت
پھر بھی اے دوست تری ایک نظر سے کم ہے

ادریس بابر

---

---

اک دیا دل کی روشنی کا سفیر
ہو میسر تو رات بھی دن ہے

ادریس بابر

---

---

اک خوف زدہ سا شخص گھر تک
پہنچا کئی راستوں میں بٹ کر

ادریس بابر

---

---

اس اندھیرے میں جب کوئی بھی نہ تھا
مجھ سے گم ہو گیا خدا مجھ میں

ادریس بابر

---

---