کون سے دن ہاتھ میں آیا مرے دامان یار
کب زمین و آسماں کا فاصلہ جاتا رہا
حیدر علی آتش
کرتا ہے کیا یہ محتسب سنگ دل غضب
شیشوں کے ساتھ دل نہ کہیں چور چور ہوں
حیدر علی آتش
کاٹ کر پر مطمئن صیاد بے پروا نہ ہو
روح بلبل کی ارادہ رکھتی ہے پرواز کا
having shorn its wings O hunter, be not complacent
the soul of the nightingale to soar is now intent
حیدر علی آتش
کعبہ و دیر میں ہے کس کے لیے دل جاتا
یار ملتا ہے تو پہلو ہی میں ہے مل جاتا
حیدر علی آتش
جو دیکھتے تری زنجیر زلف کا عالم
اسیر ہونے کی آزاد آرزو کرتے
حیدر علی آتش
جو اعلی ظرف ہوتے ہیں ہمیشہ جھک کے ملتے ہیں
صراحی سرنگوں ہو کر بھرا کرتی ہے پیمانہ
حیدر علی آتش
آئے بھی لوگ بیٹھے بھی اٹھ بھی کھڑے ہوئے
میں جا ہی ڈھونڈتا تری محفل میں رہ گیا
in your presence others were seated with charm and grace
whilst I remained unheeded, for me there was no place
حیدر علی آتش
عید نو روز دل اپنا بھی کبھی خوش کرتے
یار آغوش میں خورشید حمل میں ہوتا
حیدر علی آتش
ہر شب شب برات ہے ہر روز روز عید
سوتا ہوں ہاتھ گردن مینا میں ڈال کے
each night is a night of love, each day a day divine
I sleep with my arms entwined around a flask of wine
حیدر علی آتش