ye parinde bhi kheton ke mazdur hain
lauT ke apne ghar sham tak jaenge

Bashir Badr

---

---

wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin

Bashir Badr

---

---

yaro nae mausam ne ye ehsan kiye hain
ab yaad mujhe dard purane nahin aate

Bashir Badr

---

---

yahan ek bachche ke KHun se jo likha hua hai use paDhen
tera kirtan abhi pap hai abhi mera sajda haram hai

Bashir Badr

---

---

yahan libas ki qimat hai aadmi ki nahin
mujhe gilas baDe de sharab kam kar de

Bashir Badr

---

---

ye ek peD hai aa is se mil ke ro len hum
yahan se tere mere raste badalte hain

Bashir Badr

---

---

ye shabnami lahja hai aahista ghazal paDhna
titli ki kahani hai phulon ki zabani hai

Bashir Badr

---

---

zindagi tu ne mujhe qabr se kam di hai zamin
panw phailaun to diwar mein sar lagta hai

Bashir Badr

---

---

ye zafrani pullower usi ka hissa hai
koi jo dusra pahne to dusra hi lage

Bashir Badr

---

---