utar bhi aao kabhi aasman ke zine se
tumhein KHuda ne hamare liye banaya hai
Bashir Badr
use pak nazron se chumna bhi ibaadaton mein shumar hai
koi phul lakh qarib ho kabhi main ne us ko chhua nahin
Bashir Badr
us ne chhu kar mujhe patthar se phir insan kiya
muddaton baad meri aankhon mein aansu aae
Bashir Badr
us ki aankhon ko ghaur se dekho
mandiron mein charagh jalte hain
Bashir Badr
main tamam tare uTha uTha ke gharib logon mein banT dun
wo jo ek raat ko aasman ka nizam de mere hath mein
Bashir Badr
na ji bhar ke dekha na kuchh baat ki
baDi aarzu thi mulaqat ki
Bashir Badr
na jaane kab tere dil par nai si dastak ho
makan KHali hua hai to koi aaega
Bashir Badr
musafir hain hum bhi musafir ho tum bhi
kisi moD par phir mulaqat hogi
Bashir Badr
muKHalifat se meri shaKHsiyat sanwarti hai
main dushmanon ka baDa ehtiram karta hun
Bashir Badr